Fljótlegt og gott

Þessi réttur er einfaldur og fljótlegur. Hrísgrjón, brussel-spírur og sæt paprika. 

Gljáðar Brussel spírur eru mjög delissjús! Uppskriftina að þeim fékk ég á matarbloggi Gwyneth Paltrow, Goop.com. 

Brussel spírur

Sjóðið þær í 7 mínútur, leyfið svo að kólna smávegis og skerið í tvennt. 

Hitið olíu á pönnu og steikið spírurnar á hvolfi í 4-5 mín. án þess að snúa. Að þeim tíma liðnum er þeim snúið og steiktar í 3 mín. í viðbót. 

Setjið á fat og saltið með sjávarsalti, hellið ólívuolíu á og pressið sítrónu yfir allt saman. 

Sætar paprikur

Skerið í þykka strimla, langsum. steikið á pönnu við miðlungshita þangað til mjúkar og smá brenndar. Saltið svo. 

Hrísgrjón

Ég set 1 dl af hrísgrjónum í 2 dl af vatni og 1 tsk af salti og læt suðuna koma upp, set þá á lægsta straum og læt malla í 10 mín., tek þá af hellunni og læt standa í aðrar 10 mín.. Lokið er á allan tímann. 

Indverskur réttur

Eitt uppáhalds veganska matarbloggið mitt er norska Vegetarbloggen.com. ég kynntist Mari eiganda þess í Stavanger í vegan-hópnum. Hún er snilldarkokkur og bakari og bloggið hennar er virkilega efnismikið og fræðandi. 

Þessi réttur er þaðan og er mjög góður og frekar einfaldur. 

Veganskur Tikka Masala.

• 2 dl. hænsnabaunir 
• 2 cm engifer
• 2 hvítlauksbelgir
• smá mulin koríander
• 1 msk paprikuduft
• 1 tsk kanil
• 1 tsk kardimommur
• 1 tsk kúmenduft
• 0,5 tsk gurkemeie
• 1 tsk cayennepipar
• 1 tsk garam masala
• Olía til að steikju upp úr. 
• 1 laukur
• 1 dós (cirka 3 dl) maukaðir tómatar
• 2 dl vatn
• 2 miðlungs kartöflur
• 2 gulrætur
• 1 dl soyajógúrt
• Salt
• fersk persilja

Indversk hrísgrjón: 

• 2 msk mild matarolía
• 1 tsk gurkemeie
• 0,5 tsk kardimommur
• 0,5 tsk mulin nellika
• 2 dl jasminhrísgrjón
• Salt
• 5 dl vatn

Aðferð: 

Láttu kjúklingabaunirnar(má nota úr dós) liggja í vatni yfir nótt. Sjóðið þær síðan í létt söltu vatni, í um klukkutíma.

Skera engifer, hvítlauk og kóríander fínt.

Blanda því svo saman við papriku, kanil, kardimommu, kúmen, túrmerik, cayenne pipar og garam masala og setja til hliðar.

Hitið olíuna á pönnu. Fínt saxa laukinn og steikið. Hrærið í kryddblönduna og steikið með lauknum í nokkrar mínútur.

Bætið við tómötum og vatni og láta sjóða.

Skrallið kartöflur og gulrætur og skerið í teninga. Setja það á pönnu og bætið við kjúklingabaunum. Láta krauma þangað til kartöflurnar eru mjúkar. Bætið við vatni ef það verður þurrt.

Að lokum hrærið í soyajógúrtina og smakkið til með salti.

Saxa steinselju og stráið yfir áður en að borið er fram. 

Indverskt hrísgrjón:

Hitið olíuna á pönnu. Bætið í túrmerik, kardemommum og negull, og hrærið það vel í olíu. Láta það malla í nokkrar mínútur. Hrærið í hrísgrjónin og salt og fyllið á með vatni. Láttið hrísgrjónin malla við  vægan hita, með loki í 15 mínútur. Þá tekið af pönnunni og 

láta hrísgrjónin standa í fimm mínútur.

Amerískar pönnsur

Veganskar amerískar pönnsur með jurtasmjöri og ahorn-sírópi.

Ég nota uppskriftina hans Jamie Oliver en í stað kúamjólkur nota ég soyjamjólk og í stað eggja nota ég No egg eggjasubstitute. Ég hef líka notað chia-fræ, þau eru þá mulin og látin liggja í vatni í smá stund áður en þau eru sett útí. (1 tsk. chia fræ sett í 1 msk. vatn = 1 egg)

Annars eru fleiri möguleikar á eggja-staðgenglum(!) t.d. er hálfur banani á við eitt egg, sjá hér. 

Uppskriftin að pönnukökunum er eftirfarandi: 

3 ,,egg''

115 g hveiti(2 dl)

rúm tsk. lyftiduft

140 ml. soyamjólk(1,5 dl)

1/2 tsk. salt

Værsago!